B corp™ vottun

Nille Skalt, stofnandi og framkvæmdastjóri B Corp á Norðurlöndunum: „Það er sannkallaður heiður að bjóða 66°Norður velkomið í B hreyfinguna fyrst íslenskra fyrirtækja. Það er mikilvægt fyrir okkur öll þegar fyrirtæki sína viðleitni að fara í gegnum B Corp vottunarferlið  en það tekur um eitt ár, þar sem farið er í saumana á öllum snertiflötum starfseminnar við umhverfi og samfélag. Ennfremur er rýnt í efnahag, stjórnarhætti og upplýsingagjöf. Í þessu ferli höfum við fengið tækifæri til að kynnast starfsháttum hér og íslenskri menningu. B hreyfingin byggir á sterkum samfélagsgildum sem eru samhljóma gildum í íslenskri viðskiptamenningu. Við vinnum markvisst í því að hvetja fyrirtæki að fylgja eftir efnahagskerfi þar sem ekki er gengið á auðlindir komandi kynslóða. 66°Norður er brautryðjandi á sínu sviði, í rúmlega 9 áratugi hefur fyrirtækið unnið með sjálfbærni að leiðarljósi en það er einstakt á heimsvísu. Við erum ánægð að Ísland sé komið á kortið og vonandi fylgja fleiri íslensk fyrirtæki í kjölfarið“.

Bjarney Harðardóttir, eigandi 66°Norður: „Þetta er mikil viðurkenning fyrir okkur og varpar ljósi á að framleiðsluaðferðir okkar séu að standast ströngustu kröfur varðandi gæði og sjálfbærni. Sjálfbærnivottunin er mikilvægt skref í að auka gagnsæi á starfseminni en B Corp™ gerir neytendum kleift að taka upplýstari ákvörðun um val á vörum og þjónustu.Við höfum fylgt vegferð í átt að sjálfbærni frá stofnun fyrirtækisins og það er sannarlega að gefa ríkulega til baka þegar við þörfnumst þess mest þar sem við erum í kapphlaupi að bregðast við afleiðingum loftslagsbreytinga. Við náum ekki að draga úr hlýnun jarðar nema að fylgja kerfum og starfsháttum sem eru sjálfbær. Við munum halda áfram á sömu braut þar sem að við getum alltaf bætt okkur, stefnan er að gera enn betur í næsta vottunarferli B Lab™“.