Gjafahugmyndir

Fjölskyldan

Janne og Wouter

Hlauparinn

Íþróttagarpurinn

Wouter og Janne kynntust í Reykjavík árið 2005 eftir að hafa hvort um sig flutt til Íslands til að ferðast og stunda nám. Það leið ekki á löngu áður en þau byrjuðu að ferðast saman um landið og fóru til Vestfjarða. Þau urðu fljótt yfir sig hrifin af litlu sjávarþorpunum og hægum takti lífsins í fjörðunum. Það var einkum einn staður sem fangaði hjörtu þeirra, litla þorpið Þingeyri, þar sem þau tóku eftir niðurníddu húsi í miðju bæjarins. Það var þar sem líf þeirra saman á Vestfjörðum hófst.

Það sem í augum flestra er staður við ystu mörk var í huga Wouters og Janne fullkominn staður til að stofna heimili.

2021 Gjafahugmyndir

Janne og Wouter mæla með

Viðtal

Jólin hjá Janne og Wouter

Hver er uppáhalds jólahefðin ykkar?

Í desember bjóðum við upp á danskt smurbrauð í kaffihúsinu okkar í Simbahöllinni. Okkur finnst jólin koma með svona litum viðburðum, þar sem fólk hittist og borðar góðan mat. Við dönsum líka í kringum jólatréð á aðfangadagskvöld að dönskum sið. Það er ágætt að hreyfa sig aðeins eftir matinn áður en við setjumst aftur niður og opnum pakkana.

Hvaða 66°Norður flík notið þið mest og afhverju?

66°Norður húfukollan. Við eigum um það bil 100 stykki af þessum húfum og öll fjölskyldan notar þær, sem og allt þorpið. Ef húfurnar eru ekki merktar og þær gleymast í sundlauginni eða á öðrum stöðum, þá má gera ráð fyrir því að einhver annar í þorpinu byrji að nota hana. Það er fegurðin við að búa í svona litlu þorpi.

Hver er ykkar uppáhalds staður á Íslandi?

Þar sem kaffihúsið okkar, hjóla- og hesta leigan er opin yfir sumartímann, þá getum við ekki ferðast mikið á þeim tíma ársins. Við höfum notað vorin og haustin til að ferðast aðeins um landið. Fyrir nokkrum árum fórum við í tveggja daga hestaferð frá Dýrafirði inn í Arnarfjörð. Þó þetta sé bakgarðurinn okkar, þá er þetta einn af okkar uppáhaldsstöðum. Töfrandi landslagið og endalausir firðirnir eru mjög hrífandi og hafa róandi áhrif á sálina. Haustbirtan þar er engu lík, þegar hún berst á fjöllin frá mismunandi hliðum, það er ótrúleg tilfinning.

Hvernig verða jólin ykkar í ár?

Við erum vanalega á Þingeyri yfir jólin. Staðurinn er ótrúlega kósý, rólegur og dimmur á þessum tíma árs. Við setjum vanalega jólaljós í trén úti í garði. Í ár mun fjölskyldan okkar frá Danmörku heimsækja okkur. Við munum slappa af, borða hefðbundinn jólamat, fara í gönguferðir með hundana, opna gjafir, púsla og lesa góðar bækur.

Hvert er ykkar uppáhalds jólalag?

Á einhvern skemmtilegan hátt höfum við myndað tengingu við íslenska jólalagið Jólahjól með Sniglabandinu. Textinn er mjög fyndinn og lagið sjálft er mjög grípandi.