Afgangsefni í aðalhlutverki

Kríu-línan frá 66°Norður er gerð úr Polartec® Thermal Pro flísefni sem féll til við framleiðsluna á síðasta ári. Hún sameinar sígilda hönnun 66°Norður frá tíunda áratugnum og sjálfbærnistefnu fyrirtækisins sem felur í sér að fleygja aldrei vörum eða efni og fullnýta eins mikið og hægt er.

Með því að nýta afgangsefni úr mismunandi vörulínum sköpum við ekki einungis farveg fyrir fullnýtingu þeirra hráefna sem við notum í fatnaðinn okkar, heldur opnum við samtímis á fjölda af áhugaverðum möguleikum þegar kemur að hönnun. Fjölbreyttar litasamsetningar Kríu línunnar eru gott dæmi um slíkt, en litafletir línunnar endurspegla liti sem við höfum unnið með síðustu ár. Vörulínan er framleidd í verksmiðjum okkar og samanstendur af Polartec® Thermal Pro flíspeysu, hálfrenndri flíspeysu, og flísvesti.