Hver er uppáhalds jólahefðin þín?

Við fjölskyldan förum saman á Þorláksmessu að velja jólatré og skreytum það síðan saman. Um kvöldið röltum við síðan niður í bæ og hittum fólk, drekkum óhóflega mikið af heitu súkkulaði og þá byrja jólin fyrir mér.

Hvaða 66°Norður flík notar þú mest og afhverju?

Ég nota Hornstrandir jakkann minn lang mest. Ég tek hann með mér hvert sem ég fer allt árið um kring. Á veturna skíða ég í honum og á sumrin nota ég hann í fjallgöngur. Hann er vind- og vatnsheldur og auðvelt að pakka honum ofan í tösku. Mér finnst líka lengdin á honum svo fín.

Hver er þinn uppáhalds staður á Íslandi?

Ég verð að segja hálendið. Það er svo margt sem er hægt að sjá þar og möguleikarnir eru endalausir. Í hvert sinn sem ég fer upplifi ég nýtt ævintýri. Þar eru nánast engar merkingar og símasambandið er stopult og því þarf að vera vel undirbúinn. Tímabilið sem hálendið er opið fyrir ferðir er stutt og ekki hægt að skoða mikið í einu og því á ég ennþá eftir að upplifa margt.