Vetur eða vor?
Það er ekki alltaf hægt að treysta á veðrið til að greina nákvæmlega hvaða árstíð er á Íslandi. Það er því mikilvægt að vera vel undirbúin fyrir hið óvænta þegar kemur að veðurfari.
Það er oft vont veður, vegir lokaðir og slæmt færi til útivistar á Íslandi. Það er því mikilvægt að vera tilbúin að stökkva af stað um leið og færi gefst og elta veðrið, en á sama tíma vera undirbúin fyrir skjótar veðurbreytingar.
Gott er að klæðast ákveðnum lögum af fatnaði sem virka vel saman og auðvelt er að bæta við eða fækka eftir því hvernig viðrar. Okkur fannst því tilvalið að sýna hvernig best er að para saman 66°Norður flíkum, hvort sem það er vetur, sumar, vor eða haust. Íslensk vetrarföt geta nefnilega líka verið frábær sumarföt.
Hugsunin að baki því að klæðast nokkrum lögum er sú að nýta sem best mismunandi eiginleika efna; efni sem að halda vel hita, eru regnheld og hleypa samt raka frá líkamanum. Þannig má tryggja það að manni líði vel og sé mátulega hlýtt í hvaða aðstæðum sem er.
Ysta lag
Ysta lag
Ysta lagið verndar þig fyrir veðrinu, rigningu og vind. Yrsta lag getur verið allt frá því að vera vatnsfráhrindandi yfir í vatnshelt ásamt því að hafa þann mikilvæga eiginleika að anda vel. Þessi efni eru þó oftast frekar þunn og ekki endilega hönnuð til þess að einangra, enda gegnir miðlag oft því hlutverki. Þess í stað eru þau frekar hugsuð til þess að halda vindi og vatni frá líkamanum.
Þessir eiginleikar ásamt eiginleikum mið- og grunnlags vinna saman til að halda á þér þægilegum hita svo þér líði sem best. Skeljar eru oftar en ekki með vatnshelda rennilása, stillanlega hettu og franska rennilása til þess að þrengja ermar um úlnlið. Allt þetta tryggir það að miðlag og grunnlag haldist þurrt ásamt því að halda einangrun.
Gore-Tex® Pro™ og Neo Shell® efni eru endingargóð skelefni sem sjá til þess að þú haldist þurr, og sé þar af leiðandi hlýtt, í nánast hvaða veðri sem er.
Jakkar með einangrun
Miðlag
Miðlagið gegnir miklivægu því mikilvæga hlutverki að einangra og halda hita á líkamanum í köldum aðstæðum. Það er einnig mikilvægt að geta bætt við sig miðlagi eða fækkað eftir því hvernig sem viðrar. Miðlög geta verið úr ull, flís, dún eða örtrefjafyllingu. Þessi efni búa yfir mismunandi eiginleikum hvað varðar fyllingu, rakasöfnun, þyngd og sveigjanleika.
Þétt fylling af andadúni viðheldur mestum varma en þolir ekki vel að blotna þar sem dúnninn getur byrjað að kleprast saman og tapar þannig varma. Örtrefjafyllingin Power Fill™ er hins vegar léttari en dúnn og hefur þann kost að geta blotnað töluvert áður en hún byrjar að tapa varma. Fyrir krefjandi hreyfingu eins og skíði mælum við með Power Fill™ þar sem líkaminn framleiðir mikinn hita og hjálpar léttari einangrun eins og Power Fill™ því betur að halda þægilegum hita á líkamanum.
Grunnlag
Gott grunnlag næst líkamanum er virkilega mikilvægt til þess að halda hita í köldum aðstæðum. Við mælum með Merino ull í þessum tilgangi þar sem hún hefur sérlegan eiginleika til að halda líkamanum þurrum og hlýjum. Þræðirnir í ullinni hjálpa til við að leiða raka frá líkamanum þar sem hann gufar upp og heldur með því jöfnum hita á húðinni. Ullin helst einnig lyktarlaus í langan tíma.
Miðlag
Grunnlag
Aukahlutir
Að velja réttu aukahlutina getur skipt höfuðmáli við að halda á sér hita. Húfa og strokkur úr merino ull eða ullarblöndu hjálpa þér að halda hita að hálsi og höfði. Hanskar úr vatnsfráhrindandi efni sem eru einangraðir með Power Fill™ eru hlýir en anda líka þannig að sviti ratar út. Réttu sokkarnir eru einnig mikilvægir og geta nýst við hinar ýmsu aðstæður. Við mælum sérstaklega með háum sokkum sem eru framleiddir með primaloftþráðum og eru því einstaklega hlýir auk þess sem þeir þorna hratt og draga raka frá húðinni.
Með því að blanda saman mismunandi efnum og eiginleikum tekst manni að halda sér þurrum og heitum á köldum sumar- og vetrarkvöldum. Það er ágætt að hafa það í huga að líkaminn hitnar um leið og maður byrjar að hreyfa sig. Því er betra að vera ekki of heitt í krefjandi aðstæðum, heldur hafa frekar með sér auka lag til að smeygja sér í ef manni verður kalt.
Aukahlutir
Laugardalur
Laugardalur varð til út frá ljósmynd af íslenskri náttúru sem við höfum stækkað þangað til óræðið mynstur varð að veruleika. Mynstrið á Laugardals línunni endurspeglar óútreiknanlegt veðurfar á Íslandi.