James Merry X 66°Norður

Mjúk og hlý rennd flíspeysa úr 100% endurunnu polyester, unnin í samstarfi við útsaumslistamanninn James Merry.

Djúp tenging James Merry við Ísland og dýralíf þess og fugla veitti innblásturinn að kynningarlínu hans.

„Blómið í þessari hönnun er í uppáhaldi hjá mér af villtum blómum Íslands: eyrarrós (Chamerion latifolium). Í náttúrunni hefur hún afar sérstakt útlit og sker sig frá grýttu landslaginu þar sem hún vex oft. Eyrarrósin er ekki bara falleg í sjálfri sér, heldur er hún dæmi um svo margt af því sem ég elska við íslenska náttúru – þrautseig og viðkvæm í senn.“

Merkimiðinn er gerður úr pappír úr piparmyntufræjum, svo ekki henda miðanum. Gróðursettu hann og fylgstu með honum vaxa!

Vörurnar eru fáanlegar í verslunum okkar á Hafnartorgi og Laugavegi.

Mælt er með því að konur taki tveimur stærðum minni í þessu sniði.