Í garðinum hjá Láru

Listasmiðja á Þingeyri

Texti og myndirHaukur Sigurðsson
Staðsetning65.8747° N, 23.4885° W

Þann 16 og 17. júlí síðastlinn var haldin listasmiðja fyrir börn í félagsheimilinu á Þingeyri. Um var að ræða framtak heimamannsins Péturs Alberts Sigurðssonar en hann og kona hans Lára Dagbjört Halldórsdóttir hafa staðið fyrir tónleikum í garðinum sínum á Þingeyri við miklar vinsældir síðastliðin ár sem náði hápunkti í sumar með heilli tónleikaröð undir yfirskriftinni „Í garðinum hjá Láru“.

Þegar Pétur var að bóka söngkonuna Bríeti ásamt Rubin og Gauki á tónleika atvikaðist það þannig að þau ákváðu einnig að halda listasmiðju fyrir krakka í bænum. Bríet sem er ein vinsælasta söngkona Íslands um þessar mundir og Rubin sem þekktur er fyrir að vera gítarleikari Kaleo ásamt Gauki sem spilar á ófá hljóðfærin og lærði m.a. í Berklee College of Music í Boston, héldu listasmiðjuna þar sem markmiðið var að gera leik úr tónlistinni og sá tónlistarfræjum fyrir framtíðina.

Maður er að planta fræjum, reyna að fá þau til að skemmta sér í tónlistinni og sjá að tónlist er ekki bara að sitja einn inni í stofu að lesa eftir nótum

Maður er að planta fræjum, reyna að fá þau til að skemmta sér í tónlistinni og sjá að tónlist er ekki bara að sitja einn inni í stofu að lesa eftir nótum, þetta er líka ákveðinn leikur og að sýna þeim gleðina í því og það getur verið neisti sem lifir út ævina. Það er í raun það sem okkur finnst mikilvægast.“ – Segir Þorleifur Gaukur Úlfarsson.

Lagt var upp með að semja lag og var afraksturinn Þrjár til tvær skjaldbökur sem var loks flutt á stóra sviðinu í garðinum hennar Láru á Þingeyri.


Hverju skal klæðast

66°Norður húfukolla
Húfukolla með 66°Norður lógói
3.900 ISK