Erum við að kaupa til að henda?

Málstofa í Grósku 23. nóvember

Erum við að kaupa til að henda?

Málstofa Grósku. 23. nóvember

66°Norður, Miðstöð hönnunar og arkitektúrs og Festa standa fyrir málstofu í Grósku 23. nóvember kl. 9 - 10:30 sem fjallar um mikilvægi hringrásar í fatnaði og hönnun. Örerindi og pallborðsumræður um þetta mikilvæga málefni.

Markmiðið með málstofunni er að fræða og ræða neikvæð umhverfisáhrif offramleiðslu og ofneyslu. Áherslan er að vekja athygli neytenda, hönnuða og framleiðenda á málefninu og hvetja til umhverfisvænni framleiðslu, hönnunar og neysluhegðunar.

Fundarstjóri er Freyr Eyjólfsson, verkefnastjóri hringrásarhagkerfis hjá Sorpu og meðal þeirra sem halda erindi er Hrefna Sigurðardóttir, hönnuður hjá Studio Fléttu sem nýverið vann tvenn verðlaun á Hönnunarverðlaunum Íslands fyrir nýskapandi og hringrásarvæn verkefni, hönnuðurinn Valdís Steinars, Kristín Vala Ragnarsdóttir, umhverfisverkfræðingur og prófessor hjá Háskóla Íslands ásamt því að Regn, nýtt söluplattform fyrir notaðan fatnað verður með erindi.

Í kjölfarið verða pallborðsumræður sem Freyr stýrir.

Skoða viðburðinn

Fyrir jöklana

Jöklarnir eru stór hluti af Íslandi og við viljum halda því þannig. 25% af allri sölu í vefverslun 24. nóvember rennur til Jöklarannsóknafélags Íslands.

Lesa

Jöklalykt

66°Norður og ilmhúsið Fischersund hafa sameinað krafta sína í annað sinn og skapað ilmheim innblásinn af ógnvænlegri framtíð jöklanna, en jöklar hafa mótað landslag Íslands um aldaraðir en eru að hverfa.

Lesa

Undanfarin ár

Föstudagur fyrir jöklana okkar

2020

Carbfix

Það hefur aldrei verið mikilvægara en nú að vísindasamfélagið í heiminum vinni saman að lausnum til að kljást við losun koltvísýrings

Lesa

2020

Ferðalag niður jökulárnar

Chris Burkard er heimsþekktur ævintýraljósmyndari sem hefur ástríðu fyrir Íslandi. Hann hefur ferðast vítt og breitt um landið undanfarinn áratug og hjá honum vaknað mikill áhugi fyrir því að fanga á mynd jökulárnar sem renna frá hálendinu alla leið til sjávar.

Lesa