Í tilefni af 100 ára afmæli 66°Norður höfum við tekið höndum saman við Outlander Magazine og hannað fatalínu innblásna af íslensku fólki, landslagi og menningu.

Í samstarfinu blandast saga 66°Norður og tæknilegir eiginleikar varanna við sýn Outlander á hönnun og þarfir þeirra samfélags í kringum tímaritið. Útkoman er nútímaleg útfærsla af Dyngju jakkanum og buxunum með skýra skírskotun í Ísland, söguna og náttúruna.

Vörulínan verður fáanleg fimmtudaginn 18. september.

Dyngja skelin fær nýtt yfirbragð í anda Outlander. Línan samanstendur af Dyngja skeljakka og skelbuxum í takmörkuðu upplagi ásamt þykkum stuttermabol úr lífrænni bómull með merki samstarfsins og ullarteppi framleiddu á Íslandi úr íslenskri ull.

Herferðin var mynduð í Bláa lóninu og dregur upp svipmynd af Íslandi í gegnum fólkið sem tilheyrir því. Í stað hefðbundinna fyrirsæta koma fram ólíkar íslenskar persónur, þar á meðal smiðurinn Þorvaldur Þorsteinn Þorvaldsson, grafíski hönnuðurinn Alexandra Sól, Fríða Björk, 66 ára fyrrverandi rektor við Listaháskóla Íslands, og dansarinn Luis Lucas.

Herferðina myndaði hinn 89 ára Mats Wibe Lund, einn þekktasti ljósmyndari Íslands. Mats hefur varið stórum hluta ævi sinnar í að skrásetja íslenskt landslag úr lofti og færir verkefninu sína einstöku sýn. Bakvið tjöldin tók hin sex ára Unnur Rajani, dóttir hönnuðar hjá 66°Norður, myndir og sameinar verkefnið þannig tvær kynslóðir íslenskra ljósmyndara.

Myndirnar voru teknar í og við Bláa lónið, þar sem fólkið og flíkurnar verða hluti af hinu einstaka jarðhitalandslagi Íslands.