Um okkur
Síðan 1926
Með þjóðinni í 99 ár
Í fyrstu framleiddi 66°Norður vinnufatnað fyrir íslenska sjómenn sem áttu allt sitt undir því að komast heilir til hafnar. Fyrir þá sem störfuðu til sjós hér á árum áður var klæðnaðurinn oftar en ekki spurning um líf og dauða þegar tók að kólna og hvessa á miðunum. Það vantaði því ekki hvatann fyrir Hans Kristjánsson frá Suðureyri í Súgandafirði til að stofna fyrstu sjóklæðagerð landsins fyrir níutíu árum síðan.
Hans var fæddur 1891, sonur Kristjáns Albertssonar og Guðrúnar Þórðardóttur. Sagan segir að norskur skipstjóri sem farist hafði í Súgandafirði, Hans Ibsen að nafni, hafi birst Guðrúnu í draumi meðan hún var ólétt og vitjað nafns. Hans var skírður eftir skipstjóranum framliðna og gerðist ungur sjómaður, fyrst á þilskipum á Ísafirði. Uppvaxtarár hans voru tími örra breytinga og mikils vaxtar í íslenskum sjávarútvegi. Vélbátar og togarar leystu af hólmi árabáta og þilskip og stór sjávarútvegsfyrirtæki breyttu skipulagi útgerðarinnar varanlega. Frá 1907 og fram yfir fyrri heimsstyrjöld var stöðugur vöxtur í sjávarútvegi.
Á þessum tíma klæddust flestir sjómenn skósíðum stökkum frá Noregi og Bretlandi og báru sjóhatta. Hans fékk styrk frá Fiskifélagi Íslands til að ferðast til Noregs sumarið 1924 þar sem hann kynnti sér sjóklæðagerð. Þegar hann sneri heim hóf hann undirbúning sjóklæðagerðar á Suðureyri en honum gekk treglega að finna hentugt húsnæði. Þó hélt hann framleiðslunni úti heilan vetur við erfiðar aðstæður. En Hans hafði háleitar hugmyndir og vildi búa til sjóklæði fyrir alla landsmenn svo ekki þyrfti að reiða sig á innflutt föt. Til að svo gæti orðið þurfti hann að geta dreift vörunni auðveldlega og átt í góðu sambandi við alla landshluta. Það fór því svo að Hans Kristjánsson flutti með fjölskyldu sína til Reykjavíkur árið 1926 og stofnsetti Sjóklæðagerð Íslands í bakhúsi við Laugaveg 42.
Frá sjóstökkum yfir í vinnufatnað
Það dró síst úr eftirspurninni þegar leið á öldina. Herliðið kom 1940, sjávarútvegurinn blómstraði í stríðinu, efnahagurinn tók annan kipp með Marshallaðstoðinni 1948 og frá 1951 hafði bandaríski herinn hér fasta viðveru með öllum þeim störfum sem honum fylgdu. Síldveiðar tóku við sér um miðjan sjötta áratuginn og á þeim sjöunda margfaldaðist síldaraflinn. Stóriðja hófst á áttunda áratugnum og ferðamannalandið Ísland varð til á tíunda áratugnum. Á fáum áratugum sögðu Íslendingar að mestu skilið við fátæktina og frumstæðar aðstæðurnar sem þeir höfðu vanist í þúsund ár og gerðust sjálfstæð og nútímaleg þjóð sem varð brátt með þeim ríkustu í heimi.
Vörulínan breytist með þjóðinni
Þótt sjóstakkurinn hafi í dag runnið sitt skeið þá eru afsprengi hans - sjóbuxurnar, anorakkarnir og jakkarnir - enn í notkun dag og nótt á fiskimiðunum. Þau hanga líka í þúsundatali í fataskápum landsmanna sem grípa til þeirra þegar illa viðrar við leik eða störf, sem er ekki sjaldan hér við sextugustu og sjöttu breiddargráðu norður. Á þessum síðum hefur svipmyndum af Íslendingum í fatnaði Sjóklæðagerðarinnar síðustu níutíu ár verið safnað saman. Þetta eru myndir af sjómönnum, verkafólki, björgunarsveitum, krökkum í útilegu eða bæjarvinnunni, útivistargörpum og pörum á leið á ball. Þetta eru svipmyndir af þjóð sem hefur gegnum tíðina gert hvað hún getur til að draga fram lífið á hjara veraldar.
Til dagsins í dag
Þótt sjóstakkurinn hafi í dag runnið sitt skeið þá eru afsprengi hans - sjóbuxurnar, anorakkarnir og jakkarnir - enn í notkun dag og nótt á fiskimiðunum. Þau hanga líka í þúsundatali í fataskápum landsmanna sem grípa til þeirra þegar illa viðrar við leik eða störf, sem er ekki sjaldan hér við sextugustu og sjöttu breiddargráðu norður. Á þessum síðum hefur svipmyndum af Íslendingum í fatnaði Sjóklæðagerðarinnar síðustu níutíu ár verið safnað saman. Þetta eru myndir af sjómönnum, verkafólki, björgunarsveitum, krökkum í útilegu eða bæjarvinnunni, útivistargörpum og pörum á leið á ball. Þetta eru svipmyndir af þjóð sem hefur gegnum tíðina gert hvað hún getur til að draga fram lífið á hjara veraldar.
Neyðin kennir naktri konu að spinna
66°Norður var stofnað árið 1926 til að mæta lífsnauðsynlegri þörf fyrir vinnufatnað fyrir sjómenn og síðar björgunarsveitafólk. Gæði, ending og notagildi eru gamalgróin gildi okkar, bæði vegna íslenskrar veðráttu, sem er krefjandi og síbreytileg, og vegna þess að í svona litlu samfélagi hafa viðskiptavinir okkar ávallt verið vinir okkar, fjölskylda og nágrannar.
Í dag framleiðum við fatnað sem gerir líf og starf mögulegt hér á hjara veraldar þar sem væri annars ekki neitt. Viðskiptahættir okkar varðveita sömuleiðis náttúruna og vernda norðurslóðir á tímum þegar umhverfið á undir högg að sækja vegna loftslagsbreytinga.
Hringrás
Kolefnisjöfnun frá árinu 2019
Öll framleiðsla og dreifing veldur skaða á jörðinni. Hvernig getur fyrirtæki þá verið „sjálfbært“ og hefur það orð enn merkingu? Þegar kemur að fatnaði teljum við að ofneysla, einnota vörur og úrgangur (sem endurræsir vítahringinn) valdi mestum skaða á jörðinni. Það skiptir ekki máli hvort þú kaupir niðurbrjótanlegan jakka ef þú kaupir nýjan á hverju ári vegna virkni, gæða eða fagurfræði. Með langlífi hönnunar, virkni, smíði, umhirðu og eftirsóknarverðleika væntir 66˚North þess að vörur okkar dragi úr þörfinni fyrir langtímaneyslu, hvort sem þær eru keyptar nýjar eða notaðar.