Við rekum okkar eigin viðgerða- og breytingaþjónustu sem byggir á áratuga reynslu og sérþekkingu á fatnaði okkar. Við leggjum áherslu á að vörur fyrirtækisins endist eins lengi og kostur er.

Á saumastofunni okkar er gert við mest allan notaðan 66°Norður fatnað. Við mikla notkun á fatnaði fylgir eðlilegt slit, þess vegna reynum við að eiga birgðir af umfram efni, hnöppum og rennilásum sem við nýtum til að lengja lífið á flíkunum okkar.

Starfsfólk saumastofunnar leggur sig fram við að láta flíkina þína líta eins vel út og hægt er.

Ef þörf er á viðgerð hvetjum við þig til að koma við í þjónustuveri okkar í Miðhrauni 11 á höfuðborgarsvæðinu, verslunum okkar á Hafnarstræti 94 á Akureyri, Sværtegade 12 í Kaupmannahöfn eða á Regent Street í London. Viðgerðateymið fer yfir málið og aðstoðar eftir fremsta megni.

Einnig er hægt að senda fatnaðinn til okkar á eftirfarandi heimilisfang:
Þjónustuver v/viðgerða
Miðhraun 11
210 Garðabær

Vinsamlegast athugið að sendingarkostnaður er á ábyrgð viðskiptavinar.

Opnunartími þjónustuvers í Miðhrauni 11
Mán – fös: 08:00 – 16:00
Lau: Lokað
Sun: Lokað

Áður en þú sendir í viðgerð

Við biðjum ykkur að fylla út eftirfarandi viðgerðarform og annaðhvort setja það í sendinguna eða koma með það útfyllt í verslanir okkar.

Við biðjum vinsamlegast um að fatnaðurinn sé nýþveginn þegar komið er með hann í viðgerð. Sé fatnaðurinn ekki nýþveginn verður hann sendur í hreinsun á kostnað eiganda.

Skipulag viðgerða

Til að tryggja sem besta þjónustu og skilvirkni í viðgerðum er viðgerðaþjónusta 66°Norður skipulögð þannig að mismunandi verkefni fari á réttan stað.

Almennar breytingar og ákveðnar tegundir viðgerða eru unnar í samstarfi við Saumsprettuna í Síðumúla 31, þar sem faglært starfsfólk með sérþekkingu sinnir slíkum verkefnum.

Eftirfarandi er unnið hjá Saumsprettunni:

• Rennilásaskipti á óeinangruðum og óteipuðum flíkum
• Breytingar á flíkum, svo sem styttingar eða lengingar á ermum og buxum, sem og þrengingar á óeinangruðum og óteipuðum flíkum

Viðgerðaþjónustan okkar í Miðhrauni sinnir áfram sérhæfðum viðgerðum sem krefjast sérþekkingar á vörum 66°Norður. Með þessu fyrirkomulagi næst betra flæði í þjónustunni og styttri biðtími fyrir sérhæfðar viðgerðir.

Mikilvægar upplýsingar

Vinsamlegast athugið: þetta telst ekki sem skil á gölluðum vörum, heldur vara sem hefur skemmst við notkun.

Þegar við móttökum vöruna getur viðgerðarferlið tekið allt að 5 vikur.

Sé vara ekki sótt innan þriggja mánaða, áskilum við okkur rétt til að selja vöruna fyrir kostnaði.