Ysta lagið verndar þig fyrir veðrinu, rigningu og vind. Á þessum tíma árs er ysta lag yfirleitt góð úlpa. Ysta lag getur verið allt frá því að vera vatnsfráhrindandi yfir í vatnshelt ásamt því að hafa þann mikilvæga eiginleika að anda vel. Ef veður býður uppá, getur góð skel einnig verið hentugur kostur. Gore-Tex® Pro™ og Neo Shell® efni eru endingargóð skelefni sem sjá til þess að þú haldist þurr, og sé þar af leiðandi hlýtt, í nánast hvaða veðri sem er. 

Þessir eiginleikar ásamt eiginleikum mið- og grunnlags vinna saman til að halda á þér þægilegum hita svo þér líði sem best. Skeljar eru oftar en ekki með vatnshelda rennilása, stillanlega hettu og franska rennilása til þess að þrengja ermar um úlnlið. Allt þetta tryggir það að miðlag og grunnlag haldist þurrt ásamt því að halda einangrun. 

Gott grunnlag næst líkamanum er virkilega mikilvægt til þess að halda hita í köldum aðstæðum. Við mælum með Merino ull í þessum tilgangi þar sem hún hefur sérlegan eiginleika til að halda líkamanum þurrum og hlýjum. Þræðirnir í ullinni hjálpa til við að leiða raka frá líkamanum þar sem hann gufar upp og heldur með því jöfnum hita á húðinni. Ullin helst einnig lyktarlaus í langan tíma.