Ocean Missions er framtak sem helgar sig rannsóknum og vitundarvakningu á plastmengun í Norður-Atlantshafi. Teymið, sem gerir út á 70 ára gamalli tréskútu frá höfninni í Húsavík, sameinar til þess fjölbreyttan hóp fólks og skapar tækifæri fyrir vísindamenn úr þverfaglegum greinum til að safna dýrmætum upplýsingum um heilbrigði hafsins í kringum okkur. Upplýsingarnar sem teymið safnar nýtist svo til að breiða út vitund um lífríki sjávar og vekja athygli stjórnvalda á alvarleika vandamálsins.

Með hjálp fulltrúa okkar, Ásu Steinars, fáum við að kynnast betur teyminu á bakvið Ocean Missions og fáum innsýn inn í starfssemi framtaksins. Teymið samanstendur af fámennum en kraftmiklum hópi, sem hefur staðið á bak við fjölmörg hreinsunarátök á ströndum Austurlands.

Hafið varðar okkur öll og það er mikilvægt fyrir Ísland að hvalirnir snúi aftur á hverju sumri. Við mannfólkið erum einungis lítill hluti af náttúrunni. Við tilheyrum henni og við þurfum að vernda hana eins vel og við getum. Við berum öll sameiginlega ábyrgð á að vernda jörðina okkar.

Lærðu meira um verkefnið með því að horfa á myndabandið hér fyrir neðan.