Hvaða skeljakka ætti ég að velja?

Þegar þú velur skeljakka þarf að horfa til vatnsheldni, öndunar og hversu gott er að hreyfa sig í honum. Sumir jakkar eru þyngri en aðrir, og aðrir eru úr léttu og þunnu efni.   

• Hvert ertu að fara? Hvort sem þú ert á leið yfir jökul, hjólar um borgina eða ferðast að vori ráða aðstæðurnar því hversu mikla vörn þú þarft. 
• Hvernig ætlarðu að hreyfa þig? Mikil hreyfing utandyra kallar á góða öndun, á meðan göngutúr í úrhellisrigningu krefst meiri varnar gegn veðri og vindum.

Tæknilegar flíkur fyrir krefjandi aðstæður

Fyrir skíðafólk, klifrara og fjallafólk bjóða tæknilegustu skeljakkarnir okkar, Tindur GORE-TEX® Pro og Hornstrandir GORE-TEX® Pro, upp á hámarksvernd. Þeir eru 100% PFAS-fríir og léttari en áður án þess að það komi niður á endingu.

Fjölhæfar flíkur fyrir fjölbreytta notkun

Ef þú þarft jakka sem hentar jafnt í fjallgöngu og í göngutúr með hundinn er Snæfell línan okkar fjölhæfasti kosturinn. Hún er vatnsheld, vindheld og einstaklega mjúk. Fyrir hversdagslífið í borginni veita Dyngja skeljakkinn og Kjalarnes vindjakkinn góða vörn með hreinu og einföldu útliti.

Léttar og fyrirferðarlitlar flíkur

Fyrir ferðalagið eða daglega notkun bjóða Aðalvík og samanbrjótanlegi regnfatnaðurinn okkar upp á góða vörn án þess að taka mikið pláss. Þegar styttir upp fara þær einfaldlega ofan í tösku.

Tæknilegir eiginleikar

Límdir saumar

Saumar eru yfirleitt viðkvæmasti hluti vatnsheldrar flíkur. Til að tryggja fullkomna vörn er sérstakur vatnsheldur borði límdur yfir alla sauma. Þannig myndast samfelld vörn sem kemur í veg fyrir að raki komist inn þar sem efnin mætast.

DWR – vatnsfráhrindandi meðhöndlun

DWR er vatnsfráhrindandi meðhöndlun sem borin er á ytra byrði flíkarinnar og hjálpar vatni að renna af efninu í stað þess að mettast inn í það.

PFAS-laust

PFAS (per- og pólýflúoralkýlefni) eru manngerð efni sem hafa lengi verið notuð til að ná fram vatnsfráhrindandi eiginleikum en brotna mjög hægt niður í náttúrunni.Í nánu samstarfi við GORE eru vörurnar okkar nú framleiddar með nýrri ePE-himnu og FC0 DWR-vatnsfráhrindandi meðhöndlun, lausnum sem eru þróaðar án vísvitandi viðbættra PFAS-efna.

Klæddu þig vel

Eins og allir Íslendingar vita snýst það að halda á sér hita og vera þurr í síbreytilegu veðri fyrst og fremst um að klæða sig í lög. Hefðbundin lagskipting samanstendur af þremur lögum: veðurheldu ysta lagi, einangrandi millilagi og þægilegu innsta lagi.

Pakkaðu létt. Verum tilbúin.

Fyrir þau sem eru á ferðinni og árstíðaskiptin þegar veðrið getur breyst á örfáum klukkustundum höfum við hannað pakkanlegu línuna okkar. Ofurlétt og tæknileg lög sem taka lítið sem ekkert pláss í töskunni. Þetta eru flíkurnar sem gott er að hafa með „til öryggis“: tæknilegur fatnaður sem veitir tafarlausa vörn gegn veðri og vindum án óþarfa þyngdar, hvort sem þú ert á ferðinni í borginni eða á leið í göngu.