66°Norður x District Vision | Tindur

Nýja samstarfsvörulínan okkar tvinnar saman nálgun District Vision á tæknileg sólgleraugu og fatnað fyrir hlaup og krefjandi hreyfingu, og 99 ára reynslu 66°Norður af útivistarfatnaði fyrir óútreiknanlega veðráttu. Línan er hönnuð fyrir fólk sem vill hreyfa sig í öllum veðrum. District Vision var stofnað á sólríkum slóðum í Kaliforníu árið 2016 og hefur upp frá því ekki aðeins getið sér gott orð fyrir tæknilega hönnun og gæðavörur fyrir hlaupara heldur jafnframt hugmyndafræði sína sem snýst um að stunda hreyfingu og núvitund. Óhætt er að segja að hver og ein vara línunnar endurspegli þá hugmyndafræði.

Við kynnum til leiks nýja útgáfu af Tind, háþróuðustu úlpu 66°Norður þegar kemur að einangrun. Ytra byrði úlpunnar er úr GORE-TEX® WINDSTOPPER® efni sem hefur vatnsfráhrindandi eiginleika og hún er einangruð með 800 fill-power andadúni.

Uppfærða Tindur úlpan er styttri í sniðinu en sú hefðbundna og hefur nú fengið tvo stóra brjóstvasa ásamt vasa að innan úr mjúku örtrefja efni sem ver gleraugu gegn rispum. Hönnun úlpunnar er byggð á sömu tækni og dúngallinn sem Leifur Örn Svavarsson klæddist þegar hann kleif norðurhlið Everest fyrstur Íslendinga. Lögun úlpunnar og hönnun dúnskilrúmanna búa til hjúp af lofti sem fangar og magnar upp hita sem verður til við hreyfingu í köldum aðstæðum. Dúnskilrúmin koma annars vegar í veg fyrir að dúnninn færist milli hólfa, og hinsvegar viðhalda jafnri dreyfingu dúnsins í úlpunni og sjá til þess að úlpan veiti einstaka einangrun.

Merki sem vitna í sögu og arfleið Sjóklæðagerðarinnar síðustu 99 ár prýða svo ermarnar.