Líkt og allir Íslendingar fyllumst við stolti af því að fylgjast með vegferð Laufeyjar Lin og erum afar stolt af því að gefa út samstarfslínu með henni núna í mars. Laufey og Júnía systir hennar ólust upp við að nota fatnaðinn okkar í öllum veðrum og því var sérstaklega skemmtilegt að búa til vörulínu sem sameinar lífstíl Laufeyjar í dag við tæknilegan útivistarfatnað ásamt flíkum úr íslenskri ull.

Línan var þróuð í nánu samstarfi með Laufey og tvíburasystur hennar og listrænum stjórnanda Júníu. Línan samanstendur af fimm vörum sem henta vel í hversdagslega notkun, þar sem að stíll Laufeyjar skín í gegn.

Gollan er prjónuð úr 100% íslenskri ull í prjónaverksmiðju 66°Norður á Íslandi. Sniðið á peysunni endurspeglar einkennandi stíl Laufeyjar. Hún er með hnöppum merkum 66°Norður og ofnu samstarfslógói neðst hægra megin á flíkinni. Við framleiðslu fer peysan í gegnum vandað frágangsferli þar sem hún er burstuð fjórum sinnum með sérhæfðri vél til að auka mýkt, bæta þægindi og gefa efninu djúpt og áferðarríkt yfirborð.