Í tilefni af 100 ára afmæli 66°Norður höfum við tekið höndum saman við Outlander Magazine og hannað fatalínu innblásna af íslensku fólki, landslagi og menningu.

Í samstarfinu blandast saga 66°Norður og tæknilegir eiginleikar varanna við sýn Outlander á hönnun og þarfir þeirra samfélags í kringum tímaritið. Útkoman er nútímaleg útfærsla af Dyngju jakkanum og buxunum með skýra skírskotun í Ísland, söguna og náttúruna.

Dyngja skelin fær nýtt yfirbragð í anda Outlander. Skeljakkinn sækir innblástur í hönnun 66°Norður frá fyrstu árum þessarar aldar þar sem áberandi snið mætir nútímalegum tæknilegum eiginleikum. Flíkurnar eru úr slitsterku þriggja laga efni með 10.000 mm vatnsheldni, vindheldni og einkennandi endurskinskanti - hönnunaratriði sem hefur lengi verið hluti af 66°Norður og á rætur sínar að rekja til íslenskra vetraraðstæðna og skammdegisins.

Snúrugöng með teygjum aftan á hettu, sem og að framan og neðst á faldi sem gera manni kleift að aðlaga sniðið og ráða hversu þétt jakkinn liggur að höfði og mitti. Þetta eykur þægindi og vernd gegn veðri og vindum, auk þess sem það hjálpar til við að halda lögun jakkans.

Línan kemur í tveimur litasamsetningum sem sækja innblástur í andstæður íslenskrar náttúru. Ljósblátt og hvítt vísar í Bláa lónið, þar sem herferðin var mynduð, en svarta útgáfan sækir innblástur í dökkan eldfjallajarðveg Íslands.