Í ár fagnar 66°Norður 100 ára afmæli. Í tilefni þess höfum við leitað í margar af okkar vinsælustu vörum í gegnum tíðina sem við kynnum nú í uppfærðri útfærslu. Ein vara fyrir hvern áratug. Hver flík segir sína sögu og endurspeglar þann tíma sem hún tilheyrir, allt frá klassíska sjóstakknum frá árinu 1926 til Snæfells, okkar vinsælasta jakka í dag.

1966-1976

Ægisíða endurspeglar langa sögu 66°Norður í regnfatnaði og vísar í tímabilið þegar regnfatnaður fyrirtækisins var aðlagaður að daglegu lífi í borginni. Kápan er úr nútímalegu regnefni með mjúku innra lagi sem veitir aukin þægindi.

100 ára afmælislínan færir sögu 66°Norður inn í samtímann. Flíkurnar endurspegla breyttar þarfir, nýja tækni og ólíkan stíl sem hefur mótað 66°Norður í gegnum áratugina. Hönnunarteymið kafaði ofan í umfangsmikið safn 66°Norður og valdi flíkur sem hver um sig marka ákveðin tímamót í sögu okkar. Margar þeirra eru enn hluti af vörulínu 66°Norður í dag en birtast hér í nýjum útfærslum með vísanir í upprunalega hönnun.

Hver flík er merkt með upplýsingum um uppruna hennar og áratuginn sem hún stendur fyrir.