Sérstök útgáfa af Hornstrandir GORE-TEX® PRO® skelbuxunum okkar. Buxurnar koma í takmörkuðu upplagi og eru innblásnar af samstarfi 66°Norður og Íþrótta- og Ólympíusambands Íslands í tengslum við Vetrarólympíuleikana sem fara fram á Ítalíu í febrúar.

Hornstrandir buxurnar eru hannaðar fyrir sérstaklega erfið skilyrði og langvarandi og mikla notkun. Þær eru með 28.000 mm vatnsheldni ásamt því að vera vindheldar og anda vel. Allir saumar eru límdir og er styrking í efni á álagssvæðum. Tveir vatnsheldir vasar með rennilás að framan sem auka einnig öndun. Vatnsheldir tveggjasleða rennilásar í fullri lengd á báðum hliðum. Stillanlegt belti í mitti að innan. Tæknileg þétting við skálmaop sem gerir buxurnar 100% vatnsheldar. Franskur rennilás og smella neðst á skálmum svo hægt er að þrengja buxurnar til að halda skálmunum staðbundnum og aðlaga buxurnar eftir lengd ásamt teygju með krók til að festa við skó. Auðvelt er að klæðast buxunum yfir annað undirlag eða miðlag.

66°Norður er opinber samstarfsaðili Íþrótta- og Ólympíusambands Íslands um fatnað íslenska Ólympíuliðsins fyrir Vetrarólympíuleikana 2026. Þetta er ekki í fyrsta sinn sem 66°Norður og Ólympíusambandið vinna saman, en 66°Norður var einnig samstarfsaðili íslenska liðsins á Vetrarólympíuleikunum í Nagano árið 1998. Þessi tenging undirstrikar sterka tengingu og samvinnu á milli fyrirtækisins og íslenskra afreksmanna en 66°Norður og Skíðasamband Íslands hafa unnið saman í áraraðir.