Jökla GORE-TEX parka er gerð fyrir mikinn kulda og erfiðar aðstæður. Þessi uppfærða útgáfa er úr PFAS-fríu GORE-TEX GUARANTEED TO KEEP YOU DRY™ efni sem veitir öfluga vörn gegn vindi, rigningu og snjó.

Úlpan er einangruð með hágæða 800 fill power gæsadúni (90% dúnn og 10% fjaðrir). Hún er hönnuð fyrir hitastig undir -30°C. Ytra lagið er úr sterku og endingargóðu 200 denier GORE-TEX efni sem er framleitt úr 100% endurunnu pólýamíði. Úlpan er síðari en hefðbundnar úlpur og hægt er að aðlaga sniðið til að veita aukna vernd í erfiðum veðuraðstæðum.

Jökla er með djúpa, stillanlega hettu með silfurrefaskinnskraga sem hægt er að taka af. Stillanleg ermalok og reimar í mitti og neðri faldi hjálpa til við að halda hita inni og kulda úti. Endurskin á ermum og baki eykur sýnileika og auðvelt er að stilla úlpuna með hanska á höndum.

Öll dýraafurð sem notuð er í vörum 66°Norður kemur frá siðferðilega vottuðum aðilum. Dúninn kemur frá margreyndum þýskum birgja sem er vottaður samkvæmt Responsible Down Standard (RDS) Downpass og STANDARD 100 by OEKO-TEX®. Loðskinnin eru svo útveguð og sérvalin af Feld Verkstæði, fyrirtæki með mikla reynslu af framleiðslu á skinnvörum og loðfeldum, sem tryggir bæði gæði og ábyrgt innkaupaferli fyrir íslenskan markað. Skinnin sjálf eru framleidd af Saga Furs.

Ef loðkraginn blotnar þá er mikilvægt láta hann þorna við stofuhita. Þegar kraginn er orðinn þurr er gott að greiða varlega í gegnum hárin með bursta.

Jökla er með 15 vasa, þar á meðal flísfóðraða handvasa og sérstakan hitaeinangraðan vasa fyrir raftæki. Úlpan er í unisex sniði sem gefur gott rými fyrir grunn- og miðlag undir henni. Við mælum með að konur velji minni stærð en vanalega ef óskað er eftir aðsniðnara sniði.