Jökla parka er gerð fyrir mikinn kulda og erfiðar aðstæður. Ytra lag Jökla er úr hágæða Cordura efni sem er einstaklega sterkt og endingargott efni með vatnsheldni upp að 9.000mm. Saumarnir eru límdir til þess að auka vatnsheldnina. Þessi útgáfa hefur uppfærða eiginleika og efnið er án allra PFAS-efna.

Úlpan er einangruð eins og best verður á kosið, með 90% 800 fill power gæsadúni og 10% fjöðrum. Úlpan er með fimmtán vasa og endurskin á baki og ermum.

Jökla parka er í kvenlegu sniði, hnésíð og aðsniðin. Fyrir þær sem eru á milli stærða mælum við með að taka stærri stærðina. Snúrugöng í mitti.

Öll dýraafurð sem notuð er í vörum 66°Norður kemur frá siðferðilega vottuðum aðilum. Dúninn kemur frá margreyndum þýskum birgja sem er vottaður samkvæmt Responsible Down Standard (RDS) Downpass og STANDARD 100 by OEKO-TEX®. Á úlpunni er loðskinn sem hægt er að taka af. Loðskinnin eru útveguð og sérvalin af Feld Verkstæði, fyrirtæki með mikla reynslu af framleiðslu á skinnvörum og loðfeldum, sem tryggir bæði gæði og ábyrgt innkaupaferli fyrir íslenskan markað. Skinnin sjálf eru framleidd af Saga Furs.

Ef loðkraginn blotnar þá er mikilvægt láta hann þorna við stofuhita. Þegar kraginn er orðinn þurr er gott að greiða varlega í gegnum hárin með bursta.