Kría

Mjúkur og notalegur heilgalli á ungbörn sem heldur vel hita. Hægt er að loka fyrir hendur og fætur. Áföst hetta sem fellur vel að höfði. Auðvelt er að klæða barnið í gallann þar sem hann er með rennilás niður eftir annarri skálminni.

Kríu-línan er gerð úr endurunnu Polartec® flísefni sem féll til við framleiðslu síðustu ára. Hún sameinar sígilda hönnun 66°Norður frá tíunda áratugnum og sjálfbærnistefnu fyrirtækisins sem felur í sér að fleygja aldrei vörum eða efni og fullnýta eins mikið og hægt er.

Kríu-línan hentar fyrir börn á öllum aldri og er fullkomin fyrir íslenskt veðurfar, innanundir regnfatnað eða eitt og sér á svölum íslenskum sumardegi.