Jakki

Dyngja skeljakkinn er gerður úr endingargóðu þriggja laga efni með 10.000 mm vatnsheldni. Efnið hefur ákveðinn stífleika sem gefur jakkanum formfast yfirbragð og tryggir áreiðanlega virkni við krefjandi aðstæður. Hönnun jakkans sækir innblástur í flík sem 66°Norður framleiddi fyrst árið 2000, en þessi tilvísun í arfleifðina heiðrar sögu 66°Norður og veitir jakkanum tímalausan stíl. Snúrugöng með teygjum aftan á hettu, sem og að framan og neðst á faldi sem gera manni kleift að aðlaga sniðið og ráða hversu þétt jakkinn liggur að höfði og mitti. Þetta eykur þægindi og vernd gegn veðri og vindum, auk þess sem það hjálpar til við að halda lögun jakkans.

Anorakkur

Skálafell anorakkurinn er gerður úr endingargóðu, vatns- og vindheldu tveggja laga GORE-TEX® GTKYD efni og einangraður með Polartec® Power Fill™ efni sem veitir hlýju en er samt létt og meðfærilegt. Einn stór vasi að framan og brjóstvasi fyrir nægt geymslupláss. Á jakkanum er stillanleg hetta með snúrugöngum sem hægt er að setja yfir hjálm, ásamt snúrugöngum í mitti og riflás um úlnliði. Jakkinn er án allra PFC-efna og GORE-TEX® efnið er bæði bluesign® og OEKO-TEX® vottað. Skálafell hentar vel í vetraríþróttir eins og skíði og er jafnframt frábær fyrir hversdagsnotkun á milli árstíða.

Buxur

Dyngja skelbuxurnar eru gerðar úr endingargóðu þriggja laga efni með 10.000 mm vatnsheldni. Efnið hefur ákveðinn stífleika sem gefur buxunum formfast yfirbragð og tryggir áreiðanlega virkni við krefjandi aðstæður. Buxurnar henta vel í ýmisskonar útivist eða hreyfingu eins og í fjallgöngu eða á skíðum. Buxurnar eru með tvöföldum snúrugöngum með teygju í mitti sem gera manni kleift að aðlaga sniðið. Neðst á skálmunum eru smellur sem auðvelda notkun buxnanna yfir kulda- eða skíðaskó. Á hliðunum eru AquaGuard® vatnsheldir rennilásar.