Í ár fagnar 66°Norður 100 ára afmæli. Í tilefni þess höfum við leitað í margar af okkar vinsælustu vörum í gegnum tíðina sem við kynnum nú í uppfærðri útfærslu. Ein vara fyrir hvern áratug. Hver flík segir sína sögu og endurspeglar þann tíma sem hún tilheyrir, allt frá klassíska sjóstakknum frá árinu 1926 til Snæfells, okkar vinsælasta jakka í dag.

2016-2026

Snæfell stendur fyrir nýjasta áratuginn og endurspeglar þróun tæknilegra yfirhafna hjá 66°Norður í fjölhæfum skeljakka sem hentar jafnt til útivistar og hversdagsnota. Jakkinn er úr Polartec® Power Shield Pro® efni með 20.000 mm vatnsheldni og framúrskarandi öndun. Einkennandi appelsínuguli liturinn vísar aftur í upprunalegan sjóstakk 66°Norður.

100 ára afmælislínan færir sögu 66°Norður inn í samtímann. Flíkurnar endurspegla breyttar þarfir, nýja tækni og ólíkan stíl sem hefur mótað 66°Norður í gegnum áratugina. Hönnunarteymið kafaði ofan í umfangsmikið safn 66°Norður og valdi flíkur sem hver um sig marka ákveðin tímamót í sögu okkar. Margar þeirra eru enn hluti af vörulínu 66°Norður í dag en birtast hér í nýjum útfærslum með vísanir í upprunalega hönnun.

Hver flík er merkt með upplýsingum um uppruna hennar og áratuginn sem hún stendur fyrir.

Jakkinn er hannaður til þess að geta klæðst grunn- og miðlagi undir. Við mælum með því að panta þá stærð sem þið eruð vön að nota, en fyrir þá sem eru á milli stærða er ráðlagt að panta stærð neðar.