Sölvhóll

Sölvhóll vörulínan samanstendur af hágæðavörum, sem allar eru handgerðar á Íslandi og fást í takmörkuðu upplagi. Vörurnar voru hannaðar með sjálfbærni og endurnýtingu í forgrunni þar sem mikil áhersla var lögð á að fullnýta allt hráefni.

Innra byrði Sölvhóls úlpunnar er úr mjúkri íslenskri gæru. Ytra byrðið er gert úr þriggja laga vatnsheldu efni með límdum saumum. Hægt er að klæðast innri jakkanum úr gærunni og ytra laginu hvoru fyrir sig og er því flíkin þrjár yfirhafnir í einni.

Hönnunin byggir að hluta til á sígildum gæruúlpum fimmta áratugs síðustu aldar sem voru lengi vel eins konar óformlegur einkennisbúningur verkamanna. Það er ekki óalgengt að sjá ungt fólk klæðast slíkum úlpum sem það erfði frá foreldrum sínum eða jafnvel frá ömmu eða afa. Ef það er hugsað vel um Sölvhól þá gæti flíkin hæglega enst alla ævi og jafnvel lengur en það.