Þórsmörk úlpan hefur verið staðalbúnaður Íslendinga síðan 2006 og haldið hita á þúsundum manna í gegnum þunga veðurdaga. Sniðið er unisex og stafar innra fóðrið af loftmynd af einstöku landslagi Þórsmerkur sem er ein af náttúruperlum Íslands.

Úlpan er fyllt með 700 fill-power endurunnum dún. Ytra byrði Þórsmerkur er úr tveggja laga GORE-TEX™ WINDSTOPPER® efni sem veitir góða vindvörn, andar vel og hefur vatnsfráhrindandi eiginleika.

Á úlpunni er dúnkragi, hannaður til að halda kuldanum úti og hitanum inni. Kraginn er einangraður með mjúkum hágæða dún sem leggst þægilega að andlitinu og hægt er að taka kragann af. Stillanlegar teygjur í ermum, faldi og að innanverðu gerir notendanum kleift að aðlaga úlpuna eftir þörfum. Sex vasar framan á úlpunni veita mikið geymslupláss fyrir allt sem manni dettur í hug að hafa meðferðis.

Þegar á hólminn er komið og veðrið skellur á þarf enginn að spyrja sig tvisvar um margsannaða eiginleika Þórsmerkur.

Þórsmörk er gerð til að fara þæginlega yfir flíspeysur og vesti. Hún er stór í stærðum og vilji maður hafa hana aðsniðna er því gott að velja minni stærð en maður er vanur.