Í ár fagnar 66°Norður 100 ára afmæli. Í tilefni þess höfum við leitað í margar af okkar vinsælustu vörum í gegnum tíðina sem við kynnum nú í uppfærðri útfærslu. Ein vara fyrir hvern áratug. Hver flík segir sína sögu og endurspeglar þann tíma sem hún tilheyrir, allt frá klassíska sjóstakknum frá árinu 1926 til Snæfells, okkar vinsælasta jakka í dag.

1996-2006

Fyrsta kynslóð dúnflíka 66°Norður er innblásturinn að þessari styttri útgáfu af Tindi. Merki úr safninu vísa aftur í upprunalega hönnun jakkans. Tindur dúnúlpan er úr WINDSTOPPER® efni frá GORE-TEX LABS®, sem er vindþolið, andar vel og hrindir frá sér vatni. Úlpan er einangruð með 800-fill hvítum andardún sem veitir mikla hlýju.

Þessi útgáfa er 12,5 cm styttri en upprunalegi Tindur jakkinn og hentar því vel til daglegrar notkunar. Stórir vasar með loki á bringu sækja innblástur í Everest-gallann sem hafði áhrif á upprunalega hönnun jakkans. Jakkinn er með hólfaskiptri dúnbyggingu þar sem innri skilrúm halda dúninum á sínum stað. Saumarnir ganga ekki í gegnum ytra byrði jakkans, sem hjálpar til við að halda betur á hita. Það tekur allt að 48 klukkustundir að framleiða hvern jakka.

100 ára afmælislínan færir sögu 66°Norður inn í samtímann. Flíkurnar endurspegla breyttar þarfir, nýja tækni og ólíkan stíl sem hefur mótað 66°Norður í gegnum áratugina. Hönnunarteymið kafaði ofan í umfangsmikið safn 66°Norður og valdi flíkur sem hver um sig marka ákveðin tímamót í sögu okkar. Margar þeirra eru enn hluti af vörulínu 66°Norður í dag en birtast hér í nýjum útfærslum með vísanir í upprunalega hönnun.

Hver flík er merkt með upplýsingum um uppruna hennar og áratuginn sem hún stendur fyrir.