Nýja samstarfsvörulínan okkar tvinnar saman nálgun District Vision á tæknileg sólgleraugu og fatnað fyrir hlaup og krefjandi hreyfingu, og 99 ára reynslu 66°Norður af útivistarfatnaði fyrir óútreiknanlega veðráttu. Línan er hönnuð fyrir fólk sem vill hreyfa sig í öllum veðrum. District Vision var stofnað á sólríkum slóðum í Kaliforníu árið 2016 og hefur upp frá því ekki aðeins getið sér gott orð fyrir tæknilega hönnun og gæðavörur fyrir hlaupara heldur jafnframt hugmyndafræði sína sem snýst um að stunda hreyfingu og núvitund. Óhætt er að segja að hver og ein vara línunnar endurspegli þá hugmyndafræði.

Eiichi sólgleraugun voru hönnuð í tilefni 10 ára afmælis District Vision árið 2025. Armarnir eru úr 130 mm títaníumi sem veitir styrk án þess að þyngja gleraugun. Umgjörðin er úr TR90-nýloni með hliðarvörnum. Nefstuðningurinn er stór og stillanlegur til að gleraugun henti fyrir fjölbreyttar andlitsgerðir, og linsurnar eru höggþolnar með húðun sem kemur í veg fyrir glampa og olíubletti.

Sólgleraugun veita vörn gegn sterkri sól, vindi, regni og snjó, sem hentar einkar vel í síbreytilegum aðstæðum og veðri á Íslandi.

Earth Grey: Þessi útgáfa hefur D+ Photochromic linsu, sem aðlagar sig sjálfkrafa að breyttum birtuskilyrðum með breytilegri ljósgjöf frá 67% niður í 14%.

Earth Brown: Þessi útgáfa hefur D+ Brown Gradient linsu, úr pólýkarbónati, sem dregur úr endurkasti ljóss og hleypir í gegnum sig 10,03% af sýnilegu ljósi, 6,06% af bláu ljósi, og stöðvar 100% af UVA/UVB geislum.