Nýja samstarfsvörulínan okkar tvinnar saman nálgun District Vision á tæknileg sólgleraugu og fatnað fyrir hlaup og krefjandi hreyfingu, og 99 ára reynslu 66°Norður af útivistarfatnaði fyrir óútreiknanlega veðráttu. Línan er hönnuð fyrir fólk sem vill hreyfa sig í öllum veðrum. District Vision var stofnað á sólríkum slóðum í Kaliforníu árið 2016 og hefur upp frá því ekki aðeins getið sér gott orð fyrir tæknilega hönnun og gæðavörur fyrir hlaupara heldur jafnframt hugmyndafræði sína sem snýst um að stunda hreyfingu og núvitund. Óhætt er að segja að hver og ein vara línunnar endurspegli þá hugmyndafræði.

Reykjavík hlaupapeysan er innblásin af peysu sem hefur verið hluti af vörusafninu okkar í yfir 20 ár. Hún er með hettu sem kemur sér sérstaklega vel við síbreytilegar aðstæður í íslensku veðurfari. Peysan er úr endurunnu, ítölsku efni sem teygist á fjóra vegu og andar vel. Peysan er létt, eða 190gsm, og litaðir saumar setja kröftugan svip á hönnunina.

Peysan er aðsniðin, við mælum með að karlar taki hana í einni stærð ofar en vanalega fyrir betri hreyfigetu.