Líkt og allir Íslendingar fyllumst við stolti af því að fylgjast með vegferð Laufeyjar Lin og erum afar stolt af því að gefa út samstarfslínu með henni núna í mars. Laufey og Júnía systir hennar ólust upp við að nota fatnaðinn okkar í öllum veðrum og því var sérstaklega skemmtilegt að búa til vörulínu sem sameinar lífstíl Laufeyjar í dag við tæknilegan útivistarfatnað ásamt flíkum úr íslenskri ull.

Línan var þróuð í nánu samstarfi með Laufey og tvíburasystur hennar og listrænum stjórnanda Júníu. Línan samanstendur af fimm vörum sem henta vel í hversdagslega notkun, þar sem að stíll Laufeyjar skín í gegn.

Kápan er gerð úr þriggja laga efni með 10.000 mm vatnsheldni sem þolir létta úrkomu. Hún er með stillanlegu mittisbelti og hettu úr Polartec® NeoShell® efni sem hægt er að pakka í kragann. Á kápunni eru tveir hliðarvasar, smellur meðfram rennilás og samstarfslógó 66°Norður og Laufeyjar.