Drangajökull

Drangajökull er glæsileg GORE-TEX® dúnúlpa sem veitir öfluga vatnsvernd og hlífir fyrir snjó og regni. Skelin er úr tveggja laga GORE-TEX® Pro með sterku, slitþolnu næloni að utan sem veitir mjög góða vatnsheldni eða 28.000 mm og andar vel þar að auki.

Úlpan er mjög hlý en þó ekki fyrirferðarmikil né þung þannig að það er auðvelt að athafna sig í henni og vera á ferðinni. Hún er fyllt með hágæða hvítum gæsadún sem heldur á þér hita í öllum veðrum og hefur fjölmarga vasa sem bjóða upp á nægt geymslupláss. Á hettunni er dúnkragi, einangraður með 800 fill power hvítum gæsadún, sem er hægt að taka af.

Öll dýraafurð sem notuð er í vörum 66°Norður kemur frá siðferðilega vottuðum aðilum. Dúninn kemur frá margreyndum þýskum birgja sem er vottaður samkvæmt Responsible Down Standard (RDS) Downpass og STANDARD 100 by OEKO-TEX®.

Drangajökull er hönnuð með það í huga að hægt sé að klæðast grunn- og miðlagi innanundir. Úlpan er í hefðbundnu sniði. Þeir sem eru á milli stærða ættu að taka stærðina fyrir neðan. Mælt er með að konur sem vilja klæðast karlasniði taki tveimur stærðum minna en venjulega. Snúrugöng í hettu, mitti og faldi.