No Ice

No Ice stuttermabolurinn varpar ljósi á það hvernig hlýnun jarðar er að breyta íslensku landslagi. Við finnum vel hvernig jöklarnir okkar eru að gefa eftir með hækkandi hitastigi. Við hjá 66°Norður viljum vekja athygli á þessu máli og leggja okkar af mörkum til að sporna gegn þessari þróun.

Síðan 2019 höfum við ekki tekið þátt í Svörtum föstudegi. Þess í stað höfum við lagt fram 25% af sölu okkar í vefverslun til að fjármagna íslensk umhverfissamtök sem öll eiga það sameiginlegt að vernda náttúruna okkar.

Föstudaginn 28. nóvember, munum við í sjöunda skiptið standa fyrir föstudegi fyrir jöklana. Þá mun 25% af allri sölu í vefverslun renna til Jöklarannsóknafélags Íslands. Þessa vikuna mun jafnframt 25% af allri sölu í vefverslun á No Ice stuttermabolnum renna til Jöklarannsóknafélag Íslands.

Jöklarannsóknafélag Íslands var stofnað árið 1950, en markmið þess er að stuðla að jöklarannsóknum og fræðslu um jöklana okkar og nágrenni. Samvinna vísindamanna og sjálfboðaliða er grundvöllur félagsins sem hefur skilað miklum árangri og eflt jöklarannsóknir hér á landi enn frekar. Félagið hefur stundað mælingar á hopi og framskriði jökulsporða allt frá upphafi.