Tindur dúnúlpan er gerð úr PFAS-fríu GORE-TEX® WINDSTOPPER® efni sem er algjörlega vindhelt, andar vel og er vatnsfráhrindandi. Lögun og sérstök hönnun dúnskilrúma Tinds dúnúlpunnar gera framleiðslu hennar flókna og getur eitt eintak tekið upp undir tvo daga í framleiðslu, en dúnskilrúmin búa til hjúp af lofti sem fangar og magnar upp hita sem verður til við hreyfingu í köldum aðstæðum.

Hönnun úlpunnar er byggð á sömu tækni og dúngallinn sem Leifur Örn Svavarsson klæddist þegar hann kleif norðurhlið Everest fyrstur Íslendinga. Tindur er því hannaður til þess að standast krefjandi aðstæður, en úlpan sameinar tæknilega eiginleika og klassíska hönnun sem gerir þetta að flík sem hvort tveggja er hægt að klæðast á fjöllum eða í bænum.

Úlpan er einangruð með 800 fill-power andadúni, 90% dúni og 10% fjöðrum, og hefur sérstaka innri uppbyggingu. Dúnhólfin í úlpunni eru aðskilin með sérstökum skilrúmum sem annars vegar koma í veg fyrir að dúnninn færist milli hólfa, og hinsvegar viðhalda jafnri dreyfingu dúnsins í úlpunni og sjá til þess að úlpan veiti einstaka einangrun.

Hægt er að taka hettuna af eða þrengja með snúrugöngum að aftan. Stroff við úlnlið sem þrengt er með frönskum rennilás og snjóhlíf í mitti til að hindra aðgengi kulda eða snjós inn undir úlpuna.

Úlpan er hönnuð til að klæðast yfir grunnlag og millilag. Hún passar í réttri stærð, en þeir sem eru á milli stærða ættu að velja númeri minna.

Konum er ráðlagt að panta tveimur númerum minna til að fá rétt snið.