Jólahefðir | Irena og Þórsteinn
Ævintýraferð á 30 ára snjóþotu
Listamaðurinn Þórsteinn Svanhildarson og arkitektúrneminn Irena Sveinsdóttir eru bæði fædd og uppalin í Reykjavík en eiga jafnframt bæði ættir að rekja norður á land. Börn þeirra eru Sól, fjögurra ára, og Flóki, þriggja ára. „Við erum þessi klassíska íslenska vísitölufjölskylda. Allt okkar líf er hér í 101 Reykjavík og nágrenni, hér er alltaf líf og fjör og það er einmitt það sem veitir okkur innblástur,“ segja miðbæjarhjónin sem spjölluðu við okkur um fjölskyldulífið, jólastemninguna og allt þar á milli.
Hver er uppáhalds jólahefðin ykkar?
Irena: Þar sem við erum svona tiltölulega ný fjölskylda, þá erum við ekki beint með einhverjar hefðir eins og er, en við erum svona að safna í okkar bunka. Mér finnst svo mikilvægt að finna sínar eigin hefðir. Það þarf ekkert að vera að baka piparkökur, kannski er það bara að fara á tónleika eða vera með fjölskyldunni – en maður þarf bara að finna sitt.
Þórsteinn: Já, við erum við ennþá að skapa okkar eigin hefðir, en að setja jólaljósin út í glugga og skreyta aðeins heimilið í byrjun desember eru líklegast uppáhalds jólahefðirnar okkar enn sem komið er.
Irena: Það var alltaf hefð á mínu heimili þegar ég var lítil að það mátti opna einn pakka fyrir kvöldmat á aðfangadag – og mér fannst það geggjað sem barn. Ég held að mig langi að halda því áfram með krökkunum okkar, það minnkar stressið og spennuna.
Hver er uppáhalds jólaminningin þín?
Irena: Ég hef svo sem aldrei verið mikið jólabarn, en eftir að við byrjuðum að upplifa jólin í gegnum krakkana þá finnst mér þessi tími ótrúlega dýrmætur. Maður er spenntur að fara með þeim að hitta jólasveininn, næstum spenntari en þau – maður er eiginlega líka að upplifa jólabarnið í sér núna.
Hvað er órjúfanlegur hlutur af jólunum?
Irena: Samveran, maður er miklu meira í kringum fjölskyldu og vini. Mér finnst þessi samvera á aðfangadagskvöld og jóladag sérstaklega mikilvæg. Ég gæti ekki haldið jólin án fjölskyldunnar.
Þórsteinn: Mér finnst líka mjög skemmtilegt að fara á jólaballið í leikskólanum hjá krökkunum. Þau eru svo stolt að sýna manni allt þar og það er dansað í kringum jólatréð. Svo höfum við fjölskyldan tekið röltið um bæinn á Þorláksmessu og það er geggjað.
Irena: Já, mér líður eins og ég nái aðeins meira að slaka á og njóta eftir að við eignuðumst börnin.
Hvað finnst þér skemmtilegast við jólamánuðinn?
Irena: Það sem mér finnst skemmtilegast er hvað það er létt yfir öllu, jafnvel þótt fólk sé í stressi að reyna að redda öllu – jólaljósin í bænum og fólk svona almennt í góðu skapi. Það verður allt einhvern veginn miklu bjartara.
Þórsteinn: Já, ég mundi segja þessi hlýja og birta á móti þessu kalda og dimma. Og það gefur fólki aukinn kraft og vilja til að gera allskonar skemmtilegt og vera saman. Jólamánuðurinn gefur okkur tækifæri til að staldra við og koma saman. Það er svo mikilvægt.
Hvað er á óskalistanum?
Irena: Mig er eiginlega alveg hætt að langa í eitthvað dót en það er náttúrlega alltaf gaman að fá eitthvað fallegt inn á heimilið, eða upplifanir, gjafabréf í flug eða eitthvað svoleiðis.
Þórsteinn: Það sem er á óskalistanum okkar frá 66°Norður er föðurland á krakkana. Við notum föðurlandið daglega yfir haust- og vetrartímann. Og svo er ekkert verra að eiga svoleiðis sjálfur á köldustu dögunum.
Irena: Síðan eru krakkarnir með skýra ósk. Þegar það snjóaði svo svakalega í október, öllum að óvörum, þá fórum við niður í geymslu og sóttum snjóþotu sem ég átti þegar ég var lítil. Við tókum hana með okkur þegar við sóttum krakkana í leikskólann og það var algjör ævintýraferð fyrir þau – á 30 ára snjóþotu – en það var því miður eiginlega bara pláss fyrir annað þeirra í einu. Þannig að þau eru búin að óska sér þess að fá nýjar snjóþotur.
66°Norður óskalisti Irenu og Þórsteins
Dyngja
Skelbuxur (Unisex)
Ægir
GORE-TEX® INFINIUM™ húfa
Valhöll
Hálfrenndur ullarbolur
Valhöll
Buxur
Ægisíða
Dúnúlpa (Unisex)
Keilir
Dúnjakki með hettu
Rán
Flísfóðraður hlífðarjakki
Rán
Flísfóðraðar hlífðarbuxur
Hvað skapar jólastemningu fyrir þér?
Irena: Þegar það kemur snjór, sérstaklega svona rétt fyrir jól. Hvít jól er það sem kemur mér helst í jólaskap, en líka bara seríurnar – sjálf jólaljósin.
Þórsteinn: Að græja jólagjafir í rólegheitum og gera eitthvað skemmtilegt fyrir krakkana. Það er mjög dýrmætt.
Lestu fleiri sögur um íslenskar jólahefðir
Jólahefðir | Sonny og Sigrún
Jólahefðir | Fríða og Hans
Jólahefðir | Ben og Eydís
Jólagjöfin er 66°Norður
Jólin eru handan við hornið. Hafðu pakkann hlýjan í ár.