Jólahefðir | Brynhildur og Alex
Ég elska hvernig desember hægir á öllu
Brynhildur Þórðardóttir er myndlistarkona og móðir frá Íslandi. Maðurinn hennar er Alex Anyaegbunam, betur þekktur sem Rejjie Snow, og er tónlistarmaður frá Írlandi. Saman eiga þau tvö börn, Móu sem er fjögurra ára og Boga sem er átta mánaða, og hafa búið bæði á Íslandi og í London síðustu sex árin.
„Líf okkar snýst um fjölskyldu, sköpun og samstarf á sviði lista. Við leggjum áherslu á að rækta hlýlegt og skapandi umhverfi fyrir börnin okkar og að njóta þeirra augnablika dagsins sem veita innblástur og styrk í starfi og daglegu lífi,“ segir Brynhildur sem leyfði okkur að skyggnast inn í jólahald fjölskyldunnar, líkt og sjá má á svörum hennar hér að neðan.
Hver er uppáhalds jólahefðin þín?
Uppáhalds jólahefðin mín er örugglega að gera sherrý frómasinn hennar ömmu, hann er alltaf útbúinn á Þorláksmessu og borinn fram á aðfangadagskvöldi á mínu æskuheimili. Einnig má nefna laufabrauðsgerð, eins og á svo mörgum öðrum íslenskum heimilum. Þá hittist fjölskyldan og sker út í laufabrauð. Það er svo skemmtilegt.
Hver er upphálds jólaminningin þín?
Uppáhalds jólaminningin mín verður að vera síðustu jól, þegar dóttir mín var þriggja ára. Það voru svona fyrstu jólin þar sem hún byrjaði að skilja hvað þetta allt snýst um. Litlu hefðirnar og spennuna sem fylgir hátíðinni. Ætli að opna gjafir frá jólasveininum séi ekki toppurinn á því.
Áttu þér uppáhalds vöru frá 66°Norður?
Alltaf eitthvað sem heldur á mér hita þegar ég er úti með krakkana, eins og létt en hlý úlpa, eða mjúk húfa, sem ég hendi á mig þegar við förum út að labba.
Hvað er á óskalistanum frá 66°Norður?
Örugglega eitthvað notalegt fyrir langa útidaga í kuldanum. Góð úlpa fyrir mig eða kannski eitthvað lítið og hlýtt fyrir litlu hendurnar á krökkunum. Bara eitthvað sem gerir veturinn auðveldari og hlýrri.
66°Norður óskalisti Brynhildar og Alex
Vindur
Flísfóðraður ullarjakki (Unisex)
Vonarstræti
Rennd hettupeysa (Unisex)
Kaldi
Ullarhúfa með gervifeldi
Spillir
Sokkar 2 pör í pakka
Suðureyri
Húfa
66°Norður
35L Íþróttataska
Hvað er órjúfanlegur hluti af jólunum?
Að vera umvafinn fjölskyldunni, saman í ró og næði, að horfa á börnin mín upplifa jólin á sinn hátt, engin pressa, bara þessi einfalda hlýja.
Hvað finnst þér skemmtilegast við jólamánuðinn?
Ég elska hvernig desember hægir á öllu og leyfir manni að vera meira til staðar. Jólin hafa alltaf verið tími sem ég elska, að vera með fjölskyldu og vinum mínum og finna hlýjuna sem fylgir því að vera saman. Ég held að það einmitt það sem gerir þau svo falleg og skemmtileg.
Hvað skapar jólastemningu fyrir þér?
Mér finnst alltaf fallegast að leyfa jólunum að koma náttúrulega inn í dagana okkar. Kerti, kyrrð og bara þessi mjúka byrjun á morgninum. Að sjá hvernig jólin gleðja fólk, börn og jafnframt fullorðna. Hjá dóttur minni finnst mér til dæmis svo gaman að sjá litlu augnablikin verða svo stór fyrir henni. Það er einhver orka í kringum jólin sem ég get ekki útskýrt, fólk verður mýkra, glaðara og ástríkara. Það eru einhverjir töfrar sem fylgja þessari hátíð, og það er svo gaman að geta tekið þátt í henni á hverju einasta ári.
66°Norður krakka óskalisti Brynhildar og Alex
Askur
Krulluflíspeysa
Askur
Krulluflísbuxur
Straumur
Sundgalli
Vatnajökull
Joggingbuxur
Spói
Galli úr merino ull
Lestu fleiri sögur um íslenskar jólahefðir
Jólahefðir | Irena og Þórsteinn
Jólahefðir | Sonny og Sigrún
Jólahefðir | Hans og Fríða Björk
Jólahefðir | Ben og Eydís
Jólagjöfin er 66°Norður
Jólin eru handan við hornið. Hafðu pakkann hlýjan í ár.